Bi uns is jümmers wat loos!
In de historischen Hüüs un in de Goorns is bi uns jümmers düchtig wat loos! Dat gifft vele Daag mit besünner Aktschonen, aver ok sünst ward to’n Bispill veel öber dat Handwark vörföhrt: Wippdreihen, Intarsiensnieden, Smeden, Backen oder Weven. Kiekt Se geern uns Lüüd öber de Schuller un laat Se sik dat historisch Handwark wiesen.
Rund üm’t Johr beleevt Se opregen Daag mit Aktschonen to verscheden Themen: Schleckermarkt, Historisch Kinnerdaag, Söbentiger-Johrn Oldtimer-Drepen oder uns Wiehnachtsmarkt mit de Kunsthandwarkers. Kiekt Se in unsen Kalenner, dor findt Se en Översicht över alle Daag mit Aktschonen!
An vele Wekenennen laadt dat „Wekenenn-Beleevnis“ för Kinner de lütten Besöker in to’n Mitwarkeln, Basteln un Boen. Passlich to de Johrstieden warkt un klütert uns jungen Besökers na historische Vörbiller.
Meist jümmers künnt se achteran jüm ehr egen Wark mit na Huus nehmen.