Uns Deensten för Se

Hotline

Info-Klöönkassen
(0 40) 79 01 76-0

So is dat bi uns

Bi uns is Geschicht lebennig!
Up twölf Hektaar präsenteert wi in öber dörtig historische Hüüs, woans uns Vörfahren in de Lümbörger Heid un in de Winser Masch fröher leevt hebbt. De Buernhüüs - so as se över lange Johrn inricht sünd un mit jüm ehr Goorns – wiest jüst so as de Schünen un Weertschapshüüs, wo dat in de Tiet vun 1600 bet in de föftiger Johrn vun’t letzt Johrhunnert utsehn hett.

Ole Rassen vun dat Veehtüüg warrt  in de historischen Hüüs holen: Pommersche Göös, Ramßler Blaubeente (Höhnerraaß) oder Bunte Bentheimer Swien. Dat maakt för Lütt un Groot den Besöök in uns Museum to en Beleevnis, dat se nich vergeten doot.

Schull uns We’er mol nich mitspelen, ok denn is dat Museum en Besöök weert: uns Utstellen vun dat Leben up’n Lannen in de föftiger Johren nimmt Se mit up en intressante Reis in de Tiet vun´t Weertschapswunner.

Uns Museumsladen tellt to de besten Adressen to’n Inköpen in’n Noorden: Dor gifft dat Saken, de en al jümmers bruken kunn oder de al lang vergeten sünd, babento Saken vun Weert, de mit de Hand maakt sünd: to’n Bispill Wust vun’n Huus­schlachter un fiene Seep, besünners utsöchte Literatuur över de Bueree unThemen rund üm den Goorn, Speeltüüg ut Blick un annerswat.  

Uns Museumskroog  „Stoof Mudders Kroog“ is wiet un siet bekannt för sien Spieskort mit besünner Saken ut de Gegend.







Webdesign & Realisierung: Werbeagentur Tangram