Vun 1985 an is in de ole Amtswatermöhl in Musborg dat Möhlenmuseum Musborg ünnerbröcht. Dat wiest as Duurutstellen un ok to en besünner Thema de Geschicht vun de Möhlen in uns Gegend. 

De Amtswatermöhl is een vun de letzten Möhlen in uns Gegend, de noch full funktschoneert, un se mahlt ok noch jümmers Koorn.

In de Möhl geiht dat hüüt lebennig to: Vun Anfang Mai bet Enn Oktober dreiht sik sünnavends un sünndags dat swore Möhlrad. Dat gifft ok jümmers anner Daag, an de mahlt warrt.  

Binnen in de Möhl wiest wi, woans dat in de dörtiger Johren vun’t letzt Johrhunnert utseihn hett. To de Tiet hett de Möller Arnold Fitschen mit sien Familje dor ok wahnt. Jeden Dag un bi besünner Utstellen föhrt wi jo de Geschicht vun de Möhlen in uns Gegend vör Ogen.

Möhlenmuseum Musborg (Moisburg)
Up den Damm 10
21647 Musborg
Klöönkassen (0 41 65) 65 75
info[at]muehlenmuseum-moisburg[dot]de
www.muehlenmuseum-moisburg.de

Apen is dat Möhlenmuseum
In de Mitt von'n April bet Oktober
Sünnavend un Sünndag
vun Klock ölben bet Klock fief

Intritt
Grote Lüüd 3 Euro
Besökers ünner achteihn Johrn un Maten vun’n Fördervereen bruukt nix to betahlen.

So findt wi hen!
A1, Utfahrt Raad (Rade). (44). De Schiller wiest jo na Musborg (Moisburg) hen. Ok in Musborg is dat Möhlenmuseum utschillert.