För Frünnen vun ole Appel-, Beern- un Plummensorten is de Aavtwisch in Ramßel dat reine Paradies. Dat Ehpoor Soetebier ut Ramßel hett sik to Hochtiet Appel-, Beern- un Plummenbööm planten laten.

In’t Johr 2000 hebbt se de Aavtwischen dat Butenmuseum an’n Kiekebarg to’n Plegen öberlaten. Vun dor af an bewirtschaft de Buer vun’n Museumsbuernhoff Wennerstörp mit sien Hölpslüüd, de behinnert sünd, den Aavthoff. De Appels, de se dor plückt, ward na Bioland-Richtlinien to leckern Saft verarbeidt. De is al en poor Mal vun de „Deutsche Landwirtschafts-Gesellschaft“ uttekend worden, un den gifft dat ok sortenrein as Cox Orange oder Boskop.

Apen
Dat ganze Johr öber, Führungen mööt afsnackt warrn!

De Intritt köst nix.

Ansnacken künnt Se
Moritz Geuther
Klöönkassen (0 41 65) 21 13 49
geuther[at]museumsbauernhof[dot]de