De Slauchtorn un dat Sprüttenhuus blangenbi in Solzhusen wiest, wat sik bi dat Löschen vun Füer in uns Gegend vun 1850 an verännert un verbetert hett. De beiden Bowarken sünd üm 1870/80 upboot worrn so as meist alle annern Füerwehranlagen ok in uns Gegend. In den Slauchtorn sünd de Watersläuch ut Linnen dröögt worrn. In’t Sprütten­huus hett de Sprütt stahn. Se wörr vun Hand bedeent un vun Peer dor hentrocken, wo se bruukt wörr.

Slauchtorns gifft dat hüüt noch in enige Dörper. De Solzhüser Torn mit sien Gerüst ut Bökenholt is aber de letzte in’n Landkreis Horborg, de ganz un gor ut Holt maakt is.

In’n Slauchtorn un ok in dat Sprüttenhuus sünd Saken utstellt, de vun de Geschicht vun de Füerwehr vertellt.

Apen
In de Sommertiet jeden Dag apen. Führungen mööt afsnackt warrn.

Anfohrt
A7, Utfohrt Garlstörp (Garlstorf), vun dor na Solzhusen (Salzhausen). De Slauchtorn steiht an de Winser Straat.

De Intritt köst nix.

Ansnacken künnt Se
Perfesser Dr. Rolf Wiese
Klöönkassen (0 40) 79 01 76-40
wiese[at]kiekeberg-museum[dot]de