In Gö’nsdörp, twüschen Äsdörp (Egestorf) un Solzhusen, is en Anlaag erhollen bleben, de för dat Versorgen mit Water up’n Lannen fröher tyypsch ween is: en hydraulischen Widder oder „Stoßheber“. Twüschen 1900 un 1920 sünd överall in’n Kreis enkelte Anlagen boot worrn, de de Gegend mit Water versorgt hebbt. Dat geev twee Ursaaken dorför, dat mehr Water bruukt wöör: dat geev jümmers mehr Minschen, un de Bueree, bi de dat Hollen vun Veeh en jümmers gröttere Rull speel, wöör jümmers intensiver.

De Widderanlaag, de 1912 boot worrn is, hett bet 1958 de Gö’nsdörper mit Water versorgt. Mit de Hölp vun den Widder kunn dat Water ut den Born bannig hooch pumpt warrn. Dordörch kreeg dat noog Gefäll in’t Nett vun dat Rohr.

De Widder is en Waterpump, de vun alleen löppt: Ut en groten Bottich, de ut en Born spiest wöör, löppt dat Water dörch en „Stoßventil“ an’t Enn vun dat Rohr af. Dat Water löppt jümmers gauer un maakt dordörch batz dat Ventil to. De Druck in dat Rohr stiggt an un maakt nu en tweet Ventil apen, dat „Steigventil“. Een Deel vun’t Water stiggt an in den Ketel, de ansloten is, un ward dörch en „Steigleitung“ na baben bröcht. Dordörch fallt de Druck in dat Rohr af, un dat „Steigventil“ geiht to, dat „Stoßventil“ geiht apen, un dat Speel fangt vun vörn an.

Sien Naam hett de hydraulische Widder von sien Erfinner Michel Joseph Montgolfier.

De Knööv, de dat Water kriegen kann, hett em an dat Stöten vun en Widder denken laten.

Apen
Dat ganze Johr öber

Führungen mööt afsnackt warrn!

Anfohrt
A7, Utfohrt Garlstörp (Garlstorf), vun dor na Solzhusen to. De Widderanlaag liggt an de Straat vun Gö’nsdörp (Gödenstorf) na Lübberstää (Lübberstedt)

De Intritt köst nix.

Ansnacken künnt Se
Perfesser Dr. Rolf Wiese
Klöönkassen (0 40) 79 01 76-40
wiese[at]kiekeberg-museum[dot]de